PS zyrtarizon datën e mbajtjes së Asamblesë Kombëtare

14:39 | 3 Shtator 2025
Gita

Partia Socialiste ka zyrtarizuar mbajtjen e Asamblesë Kombëtare më 11 shtator.

Në mesazhin drejtuar anëtarëve të Asamblesë nga Sekretari i Përgjithshëm i socialistëve, Blendi Klosi, bëhet me dije se takimi do të mbahet në orën 09:30, tek kompleksi “Xibraku”.

Siç Euronews Albania ka raportuar më herët, në këtë datë kryeministri Rama do të prezantojë qeverinë e re.

“Mbështetur në Statutin e PS, neni 37, pika 5, ju njoftojmë se më datën 11.09.2025, ora 09:30, tek kompleksi “Xibraku” do të zhvillohet mbledhja e Asamblesë Kombëtare të Partisë Socialiste me këtë rend dite:

Hapja e mbledhjes dhe miratimi i rendit të ditës

Fjala e kryetarit të PS, Edi RAMA

Mendime, pyetje dhe diskutime

Të ndryshme

Pjesëmarrja juaj është e domosdoshme për vijimin e punimeve të Asamblesë”, thuhet në mesazhin e Klosit drejtuar anëtarëve të Asamblesë./ euronews/